ទើបចេញពីពន្ធនាគារបានមួយខែ ដោយសារគ្រឿងញៀន ចេញមកវិញជួញដូរលើសដើម ត្រូវសមត្ថកិច្ចឃាត់ខ្លួន
June 26, 2017 | ព័ត៌មានជាតិ
ប៉ៃលិន ៖ ស្ត្រីម្នាក់ ដែលគេស្គាល់ថា ជាឈ្មួញជួញដូរគ្រឿងញៀន ដ៏ធំនៅខេត្តប៉ៃលិន ត្រូវបានសមត្ថកិច្ចនៃស្នងការនគរបាលខេត្តប៉ៃលិន ក្រោមការដឹកនាំពីលោក តូច សុភក្តី ព្រះរាជអាជាសាលាដំបូងខេត្តប៉ៃលិន ធ្វើការឃាត់ខ្លួនរួមនឹងវត្ថុតាងគ្រឿងញៀនម្យ៉ៅក្រាមពណ៌ស ICE ចំនួន ១១ កញ្ចប់ធំ និងថ្នាំគ្រាប់ WY ចំនួន ៩៤ គ្រាប់។
ហេតុការណ៍ខាងលើនេះ បានកើតឡើងកាលពីវេលាម៉ោង១៥ និង២០នាទីរសៀល ថ្ងៃទី១២ ខែមិថុនា ឆ្នាំ២០១៧ ស្ថិតក្នុងភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន។
តាមប្រភពព័ត៌មានពីសមត្ថកិច្ចដែលចុះបង្ក្រាបជាក់ស្តែង បានឲ្យដឹងថា ជនសង្ស័យដែលសមត្ថកិច្ចឃាត់ខ្លួនមានចំនួន២នាក់ ទី១ឈ្មោះ អុល អេវ (ហៅយាយអេវ) ភេទស្រី អាយុ ៥៣ ឆ្នាំ រស់នៅភូមិកើតហេតុខាងលើ ហើយស្ត្រីរូបនេះ ទើបចេញពីពន្ធនាគារបានជិតមួយខែ ដោយកន្លងមកធ្លាប់ជាប់ពន្ធនាគារចំនួន៣ដងរួចមកហើយពីបទជួញដូរគ្រឿងញៀន តែដោយស្ត្រីនេះមានលុយមានខ្នងទើបជាប់មិនបានយូរដូចគេ។ ចំណែកម្នាក់ទៀតឈ្មោះ ជុំ ទូច ភេទប្រុស អាយុ៥៥ឆ្នាំ រស់នៅភូមិឡាញឃុំឡាញក្រុងកំពតខេត្តកំពត ជាបងប្អូនដែលមកលែងផ្ទះស្ត្រីជនសង្ស័យខាងលើ។ ប្រភពព័ត៌មានបានបន្តថា ក្នុងការចុះបង្ក្រាបករណីនេះដែរ គឺដោយមានការរាយការណ៍ពីបណ្តាញ ហើយជនសង្ស័យក៏ជាមុខសញ្ញាចាស់ផងដែរ។
បច្ចុប្បន្នជនសង្ស័យ ត្រូវសមត្ថកិច្ចបញ្ជូនមកស្នងការនគរបាលខេត្តប៉ៃលិន ដើម្បីរៀបចំសំណុំរឿងបញ្ជូនទៅតុលាការ ចាត់ការតាមនីតិវិធី៕
bបប
ប្រភព៖http://kampucheathmey.com
No comments:
Write comments